Xo'ja Mahmud Anjir Fag'naviy manzili

Xoja Mahmud Anjir Fag`naviy quddisu sirrihu Vobkent tumanidagi Anjir Fag‘ni qishlog‘ida tug‘ilib, o‘sha yerda vafot etgan. Xo`jagon-naqshbandiya tariqatining yirik namoyondasi, yetti pirning uchinchisi. Mahmud Fag`naviy ustozi Xoja Orif Revgariyning xizmatini qilib, eng sadoqatli shogirdlaridan biri bo`lgan. “Silsilai Sharif”ning o‘n ikkinchi halqa piri hisoblanadi. Xoja Mahmud Anjir Fag`naviy qabrlari ustida yangi maqbara, uni yonida hovuz va jome masjudi qurilib ushbu joy obod ziyoratgohga aylangan. Bugungi kunda mazkur qadamjo Buxoro viloyatidagi eng yirik turistik obyektlardan biri hisoblanadi.