XOJA KABUL AXBOR VALI ZIYORATGOHI manzili

XOJA KABUL AXBOR VALI ZIYORATGOHI. Buxoro viloyati Kogon tumanining Navroʻz mahalla fuqarolar yigʻinidagi Xoʻchkob qishlogʻidagi meʼmoriy yodgorlik. Xoja Kaʼbul Ahbor Vali qachon tavallud topganligi haqida biror manbada maʼlumot uchramaydi. Manbalarda u VII asrda vafot etganligi yozib qoldirilgan. Xoja Kaʼbul Ahbor Vali ziyoratgohida maqbara boʻlib, unda Xoja Kaʼbul Ahbor Vali qabri joylashgan. Qabrning uzunligi 14 metrni tashkil etadi. 1995-yil ziyoratgohdagi maqbara, quduq va masjid xorazmlik ustalar tomonidan taʼmirlangan. Ziyoratgohda masjid boʻlib, hozirgi kunda faoliyat yuritmoqda. Masjid binosi gumbaz bilan birgalikda balandligi 9 metr, uzunligi 11 va eni esa 10,7 metrni tashkil etadi. Masjid asosi tosh va pishgan gʻishtdan terilgan. Qizilqum cho‘liga tutuash hududda joylashgan mazkur ziyoratgoh bugungi kunda ziyorat turizmining muhim obyektlaridan biridir.