Choriqulboy ko'prigi manzili

Choriqulboy ko‘prigi – 1911-1914-yillarda Zarafshon daryosi ustida qurilgan. Uzunligi 100 metr, eni 8 metrga yaqin bo‘lgan ko’prikni bunyod etish uchun Choriqulboy quruvchi ustani Olmoniyadan, ko‘prik loyihasini tayyorlovchi mutaxassisni Chexiyadan chaqirgan. Shuningdek, bunyodkorlik ishlariga rus muhandislari ham taklif qilingan. Ko‘prik uchun toshlar Qorovulbozor va G‘ozg‘ondan keltirilgan. Unda asosan obi g‘isht va ganch ishlatilgan. Ko‘prik hozir ham Romitanning muhim turistik obyektlardan biri.